A Sciortia da Cazassa de S. Giacomo da Maen-na
| ←torna a-i atre sciortie | A Sciortia da Cazassa de S. Giacomo da Maen-na, 22 set. 1822 de |
| Torna pubbricâ comme A Sciortïa da Casassa da Mænn-a inte Martin Piaggio, Arecugeita de megio poexie eddite e ineddite, 1846 |
A Sciortîa da Cazassa
DE S. GIACOMO DA MAEN-NA
Dove sei? presto spicciæve,
L’arpa d’öu metteive a-o collo,
Che l’accorde Barba Appollo;
Versi abbrettio anchêu se fasse
Ре-а сiù bella de Cazasse,
Cansonette, Odi, Sunetti,
Che se spâe furgai, scciûppetti,
Che se dagghe fêugo ä bomba,
E s’avvise a son de tromba
I Zeneixi a fâ allegria
Ре-а famosa e gran sciortia
De San Giacomo о Maggiô,
Invexendo ä Maen-na, a-o Mêu,
Späi, Regatte, Soin, e Canti,
Fêughi in Mâ, Balloin volanti,
Luminæe, zêughi, bandêe,
Chi và avanti, e và inderrê,
Ognun spande, spende, e sguassa
Per l’onô da so Cazassa;
Cazassanti appassionnæ,
Andæ presto, camminæ,
Che veddiei prima de moî
De gren cose da stordî,
Ve godiei, bon prò ve fasse,
Son e bande da lontan....
Affermæve.... a l’è chi Lê,
Fæghe roso, isæ sciù in рê,
Spunta a Croxe do Confaon,
Un ciûmmasso, un beretton:
Eive là San Giacomin,
Oh che bello tabarrin
De velûo neigro bordôu
Tutto in öu e recammôu!
Manto d’öu broccôu d’argento,
A-a Spagnolla о vestimento,
Son d’argento crохе, е arsella
A l’è tanto recammâ,
Ch’a pâ tutta dе metallo,
Nè a se pêu quæxi fissâ;
Staffe d’öu, e о finimento,
Gasse, ciocche, tresse, fiocchi,
Sella, brille, e pendalocchi
Deve aveì San Giacomin!
Zitto.... attenti.... che о ve dedica
In Spagnollo chì a so predica,
Bravo!... evviva!... o mette man
Coraggioso a-o sò taccan....
Avvardæve, ch’o v’infia,
Comme van maestosi avanti
Strascinando i Pastorali,
Questi scì, che son papali,
Son mascisci e stramesuæ;
Ma l’argento nö contæ,
Osservæ a fattûa di Santi,
Con recammi a cartolin
De velûo neigro, oh bellezza!
Che disegno, e che ricchezza!
L’öu a sguasso g’han versôu
Per despêto, e semenôu
I vermiglj, co-e ciambrette,
No ne san ciù dove mette!
Miæ un pö о Stemma, che lavô!
Quanti raggi! о no pâ un Sô?
Oh che strascino! che côе!
L’han ciù lunga che e Scignôe,
Ghe l’arrêze dui figgiêu,
Che о Quartê tutto do Mêu
Ha commisso in Spagna apposta,
E o l’hà fæto vegnî in posta
Comme dui paggin d’onô
De San Giacomo o Maggiô;
Son duî belli figurin,
No se n’è mai visto eguali,
Nè se ne pêu fâ ciù belli,
Non plus ultra de segûo:
Bravo! evviva о Sciô Poistæ!
Son montæ comme Regin-ne:
Cappa gianca de lustrin,
Pavonasso о tabarrin
D’öu, e argento recammôu,
Cappellin, collâ adattôu,
Croxe, е arsella d’öu e argento,
Tutto d’öu о finimento,
Son vestïe de tutto punto,
No ghe và levôu, nè azzunto
Manco un ætte.... Ma me pâ,
Che se ferman per cantâ;
Stæ a sentî.... zitto moscin....
Brave!... ben!... belli voxin!...
Ghe fà о basso i Rëtinê,
Oh che acûti! van in Çê,
Nè se sazian de саntâ,
Quæxi a segno de scciuppâ,
Mille lodi in gloria, e onô
I Fradelli do Соnfaon:
Velûo rosso i tabarrin,
Con recammi a cartolin
D’öu e argento; de razon
Celestin e cappe son,
Recammæ tutte а brocchette
D’öu, e argento con ciambrette,
Belli impronti! oh che cosin!
Ben lavoæ d’argento fin;
G’han ä testa un’armoniosa.
Banda grande, strepitosa,
D’instancabili Sunoeì,
Ch’ellettrizzan, fan piaxeì
Co-e sò marcie, e sinfonïe
Fæte apposta, e mai sentïe,
Che fan tanto ramadan
А pâ d’öu, d’un gûsto nêuvo,
Con ricchissimo ornamento,
Canti, e titolo d’argento
D’un travaggio mäveggioso,
Da lasciâghe i êuggi addosso:
A l’è a primma Compagnia,
Tutto in neigro a l’è vestia,
A s’intitola coscì:
Compagnia do Venerdì:
De velûo l’è i tabarrin,
Con recammo а cartolin,
Tutto in öu grandioso, e ricco,
Cappe in raso, quanto spicco
Ghe fà mai quello lavô
Do so stemma S. D. V.!
Belli impronti figuræ
In argento e ben tocchæ,
Conçerton chi fà piaxeì
Da Madonna de l’Assunta,
Gh’è ciù argento, che tartûga,
Comme a lûхе! a l’imbarlûga,
Intressâ con de ghirlande
D’öive, e scio[e]tte, cosa grande!
Miæ che titolo, che canti!
Pän ciannæe, teja d’argento,
Con sciôi d’öu vêuæ da-o c[orzêu,]
Tabarrin de velûo blêu,
Inciastræ d’argento, e d’öu,
Recammæ ciù che un viadöu[,]
Grande impronto chi ghe pe[nde],
Zà d’argento, se gh’intende,
Е un conçerto, stæ a sentî,
Da Gran Madre do Segnô,
Tutta in teja d’öu vestia,
Quanto sciato! a fa furô,
Dæ un pö mente a tutti i Fræ
Se no pän a fêugo indoæ,
Miæ che spicco ghe fà adosso
Quello bello velûo rosso
Recammôu di tabarrin,
Tutto in öu a cartolin,
E all’impronto coscì grosso,
Chi è d’argento, ghe dî osso?
Aviei visto a Croxe avanti
Neigra d’ebano farsia
Eivea là ch’a s[’]é fermâ,
Repassævela un momento,
E dï sccetto s’a no pâ
Tutta а rео fûsa d’argento!
Stæ a sentî sunnâ frattanto
L’è chi о CRISTO, inzenoggiæve,
Oh che Immagine mai bella!
A l’inspira divozion,
No ghe n’è atra comme quella
Coscì fæta a perfezion,
Se conosce da lontan
О Segnô de Maraggian,
Croxe d’ebano fasciâ
In argento, e travaggiâ
Con bellissimi recammi
A rebighi con feûggiammi,
Canti grendi e strappiccanti,
Ben lavoæ, ricchi, eleganti,
Miæ che titolo grazioso,
Delicôu, e delizioso,
No gh’è scaggie da pagâlo,
Dæghe mente, fan piaxei.
Son malemmi, che a ghe fû[mma,]
Pâ ch’arrëzan un-na ciumma,
Che equilibrio, e agilitæ!
Van, se ferman, poi ciantæ
Staivan lì ре’ un-na giornâ
Dui conçerti a-o Cristo g’han,
Un davanti, e un de derrê,
Bagatella! ven zù о Çê;
Donne cae, gh’è un regimento
De Sunoei, miæ che spavento
De Violin, Bassi, Sciguelli
Trombe, Flauti, e Clarinetti
Stæ a sentî, che ritornelli!
Bravi!... evviva!... oh benede[tti!...]
Se ghe poese un pö cioccâ....
Che recammi sensa fin!
Osservæli per menûo,
Che se pêuan megio ciammâ
D’öu e argento recammæ
De velûo, che moscitæ!
Cappe cremesi pompose,
De velûo lunghe, sguassose,
Travaggiæ a ricchi remaggi,
Da per tutto bêuttan raggi,
Torce a terra, torce all’aja.
De grandezza straordinaja,
Che sguassosa Procession
Sensa sciato, e confusion!
Bello vedde tutti i Fræ
In sæа neigra ben calsæ,
Guanti gianchi, fubbie d’öu,
Che decenza! Che decöu!
Van in ordine con passo
Militare, e torce a sguasso,
Che e candeje son finïe,
Perchè a Мaen-na e ha bandïe,
Torce abbrettio a gren stoppin
Da cangiâse ogni pittin,
Che magnifica Sciortia!
Mi m’attasto se ghe son.
Ma mi hò tosto a peja ä [voxe]
De fâ tanta ciarlaxia
E hò za i êuggi abbarlug[hæ]
De veì tante raritæ...
A l’è de San Zacaria,
De tartûga, ben macciâ,
Е in argento recammâ,
Con riporti man per man
D’uga, parme, dattai, gr[an.]
Oh che macchine de canti[!]
Son minee d’argento erra[nti,]
D’un lavô ben delicôu
Cö so titolo addattôu;
Cappe rosse de razon
Con recammi a battaggion
In öu sccietto a cartolin,
Ma d’un gusto soprafin;
Tabarrin de velûo möu
Con recammi a uffo in öu[;]
Belli impronti stramesuæ,
Dove diascoa han destannôu
Tanti bravi Professôi
Un vulcan! zuarisoræo!
A l’è a Cascia, oh comm’a ven!
Pâ ch’a sgêue, comm’a stà ben!
Quanti lûmmi! figgi câi!
Inorbiscian de fissâi,
Quante scioî! miæ s’a no pâ
Un giardin, un-na sposâ!
Dæ un pö mente ch’a se nin-na,
Avvardæve ch’a cammin-na,
Bravi! evviva i Portantin!
Son camalli granattin,
Quanta gente scappa via!...
No v’hò dito forse ben,
Che veddiei primma de moî
De mâveggie da stuppî?
Chi no vedde, no pêu credde;
Ghe và finnа i orbi a vedde;
Gh’è stivôu per tutte e ciasse,
Pin barcoin, teiti, e terrasse,
No gh’è leugo ciù da andâ,
Nè pertuso pe’ agueitâ,
Andæ a casa, che sciortiei
Verso neutte, alloa veddiei
А Cazassa de ritorno
Tutta a torce illuminâ,
Che parriâ de mezo giorno,
Ve passiâ a coæ de çenâ,
Seguitæla, e pe-o Quartê
Sentiei criâ da tutte e bande,
Scialla! evviva! a l’è chi Lê,
Fâ cioccate e applausi in grande
L’è chi o nostro Protettô,
Viva Giacomo o Maggiô!
Ommi, donne co-i figgiêu,
Finna i vegi arrensenii
Impan l’aja di sò crii,
Ne rimbomba a Maen-na e о М[eu]
Е ripete l’Eco intorno
Tutta a nêutte finna a giorno;
Da Marin-na Protettô!
