Pagina:A.Sciortia.da.Cazassa.de.S.Giacomo.da.Maen-na.1822.pdf/9

Da Wikivivàgna

Con un titolo milïa,
Eivea là ch'a s[’]é fermâ,
Repassævela un momento ,
E dï sccetto s’a no pâ
Tutta а rео fûsa d’argento!
Stæ a sentî sunnâ frattanto
О conçerto chi è un incanto.

Quanto incenso! aoa retiæve,
L’è chi о CRISTO, inzenoggiæve,
Oh che Immagine mai bella!
A l’inspira divozion,
No ghe n’è atra comme quella
Coscì fæta a perfezion,
Se conosce da lontan
О Segnô de Maraggian,
Croxe d’ebano fasciâ
In argento, e travaggiâ
Con bellissimi recammi
A rebighi con fêuggiammi,
Canti grendi e strappiccanti,
Ben lavoæ, ricchi, eleganti,
Miæ che titolo grazioso ,
Delicôu e delizioso ,
No gh’è scaggie da pagâlo,
Nè ciù bello se pêu fâlo;