Pagina:A.Sciortia.da.Cazassa.de.S.Giacomo.da.Maen-na.1822.pdf/14

Da Wikivivàgna

Ma i caroggi son tappæ,
Gh’è stivôu per tutte e ciasse,
Pin barcoin, teiti, e terrasse,
No gh’è leugo ciù da andâ,
Nè pertuso pe' agueitâ,
Andæ a casa, che sciortiei
Verso neutte, alloa veddiei
А Cazassa de ritorno
Tutta a torce illuminâ,
Che parriâ de mezo giorno,
Ve passiâ a coæ de çenâ,
Seguitæla, e pe-o Quartê
Sentiei criâ da tutte e bande,
Scialla! evviva! a l’è chi Lê ,
Fâ cioccate e applausi in grande
L’é chi o nostro Protettô,
Viva Giacomo o Maggiô!
Ommi, donne co-i figgiêu,
Finna i vegi arrensenii
Impan l’aja di sò crii,
Ne rimbomba a Maen-na e о М[eu]
Е ripete l’Eco intorno
Tutta a nêutte finna a giorno;
Viva sempre o veo Maggiô
Da Marin-na Protettô!