 |
Questa pagina a l'è stæta corretta. | |
A Sciortîa da Cazassa
DE S. GIACOMO DA MAEN-NA
Muza, Muze, sciù adesciæve,
Dove sei? presto spicciæve,
L’arpa d’öu metteive a-o collo,
Che l’accorde Barba Appollo;
Versi abbrettio anchêu se fasse
Ре-а сiù bella de Cazasse,
Cansonette, Odi, Sunetti,
Che se spâe furgai, scciûppetti,
Che se dagghe fêugo ä bomba,
E s’avvise a son de tromba
I Zeneixi a fâ allegria
Ре-а famosa e gran sciortia
De San Giacomo о Maggiô,
Gran sussûro e fæsta anchêu,
Invexendo ä Maen-na, a-o Mêu,
Späi, Regatte, Soin, e Canti,
Fêughi in Mâ, Balloin volanti,
Luminæe, zêughi, bandêe,
