Pagina:A.Sciortia.da.Cazassa.de.S.Giacomo.da.Maen-na.1822.pdf/13

13

Gran conçerto ben sunôu,

Dove diascoa han destannôu
Tanti bravi Professôi

Mi nö sò, dimelo voi?

Cose gh’è là tanto cæo?

Un vulcan! zuarisoræo!
A l’è a Cascia, oh comm’a ven!
Pâ ch’a sgêue, comm’a stà ben!
Quanti lûmmi! figgi câi!
Inorbiscian de fissâi,
Quante scioî! miæ s’a no pâ
Un giardin, un-na sposâ!
Dæ un pö mente ch’a se nin-na,
Avvardæve ch’a cammin-na,
Bravi! evviva i Portantin!
Son camalli granattin,
Quanta gente scappa via!...

Ah peccôu! ch’a l’è finia.

Cazassanti, ei visto? ebben,

No v’hò dito forse ben,
Che veddiei primma de moî
De mâveggie da stuppî?
Chi no vedde, no pêu credde;
Ghe và finnа i orbi a vedde;

Andæ torna, camminæ;