 |
Questa pagina a l'è stæta corretta. | |
3
A valdrappa do cavallo
A l’è tanto recammâ,
Ch’a pâ tutta dе metallo,
Nè a se pêu quæxi fissâ;
Staffe d’öu, e о finimento,
Gasse, ciocche, tresse, fiocchi,
Sella, brille, e pendalocchi
Che aspertixe, e che lenguin
Deve aveì San Giacomin!
Zitto.... attenti.... che о ve dedica
In Spagnollo chì a so predica,
Bravo!... evviva!... o mette man
Coraggioso a-o sò taccan....
Avvardæve, ch’o v’infia,
Che dui pezzi de Giganti!
Comme van maestosi avanti
Strascinando i Pastorali,
Questi scì, che son papali,
Son mascisci e stramesuæ;
Ma l’argento nö contæ,
Osservæ a fattûa di Santi,
