 |
Questa pagina a l'è stæta corretta. | |
5
Se pêu scrive in sciû velûo
Non plus ultra de segûo:
Bravo! evviva о Sciô Poistæ!
Quante belle Pellegrin-ne!
Son montæ comme Regin-ne:
Cappa gianca de lustrin,
Pavonasso о tabarrin
D’öu, e argento recammôu,
Cappellin, collâ adattôu,
Croxe, е arsella d’öu e argento,
Tutto d’öu о finimento,
Son vestïe de tutto punto,
No ghe và levôu, nè azzunto
Manco un ætte.... Ma me pâ,
Che se ferman per cantâ;
Stæ a sentî.... zitto moscin....
Brave!... ben!... belli voxin!...
Ghe fà о basso i Rëtinê,
Oh che acûti! van in Çê,
Nè se sazian de саntâ,
Quæxi a segno de scciuppâ,
Mille lodi in gloria, e onô
