 |
Questa pagina a no l'è stæta corretta. | |
Che braviscimi Рortoeì!
Dæghe mente, fan piaxei.
Son malemmi, che a ghe fû[mma,]
Pâ ch’arrëzan un-na ciumma,
Che equilibrio, e agilitæ!
Van, se ferman, poi ciantæ
Staivan lì ре' un-na giornâ
Senza manco parpellâ;
Che zunzûro! Cose fan?
Dui conçerti a-o Cristo g'han,
Un davanti, e un de derrê,
Bagatella! ven zù о Çê;
Donne cae, gh’è un reggimento
De Sunoei, miæ che spavento
De Violin, Bassi, Sciguelli
Trombe, Flauti, e Clarinetti
Stæ a sentî, che ritornelli!
Bravi!... evviva!... oh benede[tti!...]
Se ghe poese un pö cioccâ ...
Se ghe stæ senza mangiâ.
Che famosi tabarrin!
Che recammi sensa fin!
Osservæli per menûo,
No se vedde ciù o velûo
