 |
Questa pagina a no l'è stæta corretta. | |
Belle Cappe, oh che portento!
Pan ciannæe, teja d’argento,
Con scioî d'öu vêuæ da-o c[orzêu,]
Tabarrin de velûo blêu,
Inciastræ d’argento, e d'öu,
Recammæ ciù che un viadöu,
Grande impronto chi ghe pe[nde],
Za d’argento, se gh’intende,
Е un conçerto, stæ a sentî,
De Sunoeì, che fan stordî.
Segue a terza Compagnia
Da Gran Madre do Segnô,
Tutta in teja d’öu vestia,
Quanto sciato! a fa furô,
Dæ ûn pö mente a tutti i Fræ
Se no pän a fêugo indoæ,
Miæ che spicco ghe fà adosso
Quello bello velûo rosso
Recammôu di tabarrin,
Tutto in öu a cartolin,
E all'impronto coscì grosso,
Chi è d’argento, ghe dî osso?
Aviei visto a Croxe avanti
Neigra d'ebano farsia
De recammi, e i belli canti
