Pagina:A.Sciortia.da.Cazassa.de.S.Giacomo.da.Maen-na.1822.pdf/6

Da Wikivivàgna

Ven pe-i primmi in procession
I Fradelli do Соnfaon:
Velûo rosso i tabarrin,
Con recammi a cartolin
D’öu e argento; de razon
Celestin e cappe son,
Recammæ tutte а brocchette
D’öu, e argento con ciambrette,
Belli impronti! oh che cosin!
Ben lavoæ d’argento fin;
G’han ä testa ûn’armoniosa.
Banda grande, strepitosa,
D’instancabili Sunoeì ,
Ch’ellettrizzan, fan piaxeì
Co-e sò marcie, e scinfonïe
Fæte apposta, e mai sentïe,
Che fan tanto ramadan
Da sentïe finna а Milan.

Bella Сrохе ven apprêuvo,
А pâ d’öu, d’un gûsto nêuvo,
Con ricchissimo ornamento,
Canti, e titolo d’argento
D’un travaggio mäveggioso,
Galantin, ricco, maestoso