Rime diverse in lingua genovese/Donca se no son giano e affiagao

by Poro Foggetta

←A torto dro Cè Minna ve dorei

Rime diverse in lingua genovese de Poro Foggetta Donca se no son giano e affiagao

Antigamenti quando in quarche luogo→

da-e Rime diverse in lingua genovese, Bartoli, Pavia, 1588
cangiòu e u in v e viçeversa; clicca i asterischi pe l'errata corrige

Donca se no son giano e affiagao
Ne chianzo sempre como ri figio,*
Voi no ve crei Minetta ro me cuò,
Che per voi notte, e di caghe bruxiao?

5Sachie* che tanto fuogo e* in mi serraou
Che o no me lascia lagrimà de fuo
Che ra sciama l'humo* sciuga à ro cuò,
E fuo me fa parei rosso e affogaou.

E s'intra vostra dose fontanetta
10No me lascie* ra testa subacca*
Fin che ne sciorbe quarche goraretta.

Chi sola esto gran fuoego puo amortà
Ro cuò me bruxiera* per voi Minetta
Ch'in tanto fuogo o no puo chiù durà.

15Arvime ra Canà;

A ro men dra fontanna si gusteive
Se no vorei ch'intra fontanna beive.