 |
Questa pagina a no l'è stæta corretta. | |
A ro men dra fontanna si gusteive
Se no vorei ch'intra fontanna beive.
Antigamenti quando in quarche luogo
Chiuma d'una gallina era trovaou
Da chi insciva esta chiuma, era spiaou
S'era quarche marotto in quello luogo.
5Ma Zena hà aura ra gora in si mà luogo
Che quasi ogn'un ghe mangia de peraou,
Che questo uso de Franza hemo portaou
Si che aura peira Zena in ogni luogo.
Ni se ve sarvo oxelli chiù perà
10Per butteghe, e coxinne da tutt'hora
Tanto tira dra gora ra canà.
Ma cravetti quarc'un chiu gusta ancora
Berche* inscrescie a ra fin tanto perà,
Si ch'aura è un ma peruso* questa gora.
Santa Barbara chiama, e San Simon,
Chi per amò me sente sospirà
E fuze presto a ca per non bruxà,
Si ch'ogni me sospiro, è lampo, e tron.
5E chi se atrova in ca, da ro barcon
Zu pan de san Nicola, usa buttà
Per fa questi me lampi e troin mancà,
E l'egua che chianzando fazo ancon.
