Rime diverse in lingua genovese/A torto dro Cè Minna ve dorei

by Poro Foggetta

←Como diavo desgroperè moè

Rime diverse in lingua genovese de Poro Foggetta A torto dro Cè Minna ve dorei

Donca se no son giano e affiagao→

da-e Rime diverse in lingua genovese, Bartoli, Pavia, 1588
cangiòu e u in v e viçeversa; clicca i asterischi pe l'errata corrige

A torto dro Cè Minna ve dorei
Perche un oggio dri vostri o s'ha pigiao,
E per fà lume a noi l'atro hà lasciao,
E a torto d'esse guerza voi chianzei.

5Perche doi Soi ro mondo no dè havei
S'un solo n'hà ro Cè manco aprexiao
Basta ben che quel'un, chi v'è restao
Venze ro Sò dro Cè como savei.

Puo con doi oggi, como haveivi avanti
10Anzi con doi bruxenti, e chieri Soi
Bruxavi, e orbivi, ri vostri galanti:

Si che chi d'un sol'oggio, ha priva voi
Ro lume hà reiso a mille, e mille amanti,
E liberè da fuoeghi e da bruxioi.

15Ma per voi e per noi;
Guardeve l'oggio bon chi v'e restao,
Perche aurà* cavà i oggi e* monto usao.

Che se quarche arragiao;
Quello doce oggio ve cavassè asi,*
20Direimo bonna notte a mezo dì.