Rime diverse in lengua zeneise/Mi i homi de vint'agni zà vist'hò

Da Wikivivàgna
Sata a-a navegassion Sata a-a serchia
Rime diverse in lengua zeneise de Poro Foggetta
Mi i homi de vint'agni zà vist'hò
acento grave = vocale curta - acento aguçço = vocale longa; clicca o nummero da paggina pe 'n rafronto co-a transcriçion diplomattica
[p. 28v modifica]

Mi i homi de vint'agni zà vist'hò
Che a ra lippa zughavan per re stré
A i amandore, a i osse, e cose té
Come megon megon, bedin bedò.

O pù semele bis, pittin pitò
E a chiatta ancon zughavan desbraghé
E a re feste toccavan dui diné
Ni a zuoego de diné favan però.

[p. 29r modifica]


Aora zuoegan serré dentr'i mezen
De testoin, sodi, e grossi, e san ficá
E per crovisse mettan ri feretti

E zueghan sù ogni cosa, e messan ben
E ghe fan de gren resti presto andá
Che zueghan largho, se ben son foentetti.