Rime diverse in lengua zeneise/Como intra veggia intré ri foenti son

Da Wikivivàgna
Sata a-a navegassion Sata a-a serchia
Rime diverse in lengua zeneise de Poro Foggetta
Como intra veggia intré ri foenti son
acento grave = vocale curta - acento aguçço = vocale longa; clicca o nummero da paggina pe 'n rafronto co-a transcriçion diplomattica
inte l'ed. do 1588 sto sonetto o vegne aprœuvo a "Se re porte dre veggie son serré" comme parte do mæximo componimento.
[p. 29r modifica]

Como intra veggia intré ri foenti son
Un derré l'atro, spointan de tá menna,
Che fan criá chi è tenero de schenna
Perchè stan streitti inseme quanto pon,

E un caze adosso a l'atro a cavalon
E ro sangue a quarch'un spesso s'avenna,
Si, che ra veggia inanzi, e dapoe cenna
A cassafasso, va sorronborron.

Ni pri foenti re Donne pon ballá
Che per esse bizzarri, e repentin
Fan costion zughando a spointeirora,

E mennan si dro stocco che tran fuora
Che in veghia va ro sangue per caná
Si, che ra festa guastan, su ra fin.