 |
Questa pagina a no l'è stæta corretta. | |
5
E se a ro Cé, re gioie sò rendessi
Chi a ro mondo adorá ve fan da nuí,
Atro dro vostro puoessa no haveressi
Cha ra crudelité chi regna in vuí,
E rendeghere, o Donne, deveressi
E cangiá re cruezze in veri amoí
Che a vui stà troppo má ro cuoe crudé
Che in semegianza honoré sei da dé.
6
Ma perchè ra mea parte mi v'hò dito
Vuoeggio ro resto a i atri lassá dí
E se a ro sò parlá chi è monto drito
Ben l'unna, e l'atra oreggia Donne arvì
V'intrerà con diletto ogni sò dito
E zoverà se ri lassé compí.
E mi ra lira intra sò vesta metto
Ch'omué son stanco de mená l'erchetto.
Mi i homi de vint'agni zà vist'hò
Che a ra lippa zughavan per re stré
A i amandore, a i osse, e cose té
Come megon megon, bedin bedò.
O pù semele bis, pittin pitò
E a chiatta ancon zughavan desbraghé
E a re feste toccavan dui diné
Ni a zuoego de diné favan però.
