Rime diverse in lengua zeneise/Madonna Peretta Scarpa à Messé Poro Foggietta
| ←Se questa è neive chi ven da ro cé | Rime diverse in lengua zeneise de Madonna Peretta Scarpa à Messé Poro Foggietta |
Resposta a Madonna Peretta Scarpa→ |
| acento grave = vocale curta - acento aguçço = vocale longa clicca o nummero da paggina pe 'n rafronto co-a transcriçion diplomattica |
Messé Poro F[oggietta].
Messé Poro Catannio zuro a Dé
C'havei gran torto a no lasciave vei
Ve n'ho feto pregá ma no vorrei
Beá dra vista vostra i oggi mé.
Ri que dexiran vei ro ben dro Cé
E voi ben da ro Cé descieizo sei
E ne fa fè ra manna che spandei
In versi e in prosa rigando papé.
E puo che così rero, e singulá
E gran foggietta sei, desiro odive
E veive, e in somma con voi raxoná.
Per imprende da voi, quando se scrive
Cosa se dè seguí, cosa schivá
Per poei dapuo ra morte ancora vive.