 |
Questa pagina a no l'è stæta corretta. | |
Messé Poro F[oggietta].
Messé Poro Catannio zuro a Dé
C'havei gran torto a no lasciave vei
Ve n'ho feto pregá ma no vorrei
Beá dra vista vostra i oggi mé.
Ri que dexiran vei ro ben dro Cé
E voi ben da ro Cé descieizo sei
E ne fa fè ra manna che spandei
In versi e in prosa rigando papé.
E puo che così rero, e singulá
E gran foggietta sei, desiro odive
E veive, e in somma con voi raxoná.
Per imprende da voi, quando se scrive
Cosa se dè seguí, cosa schivá
Per poei dapuo ra morte ancora vive.
Madonna Peretinna, zuro a Dé
Che voxe, e chiera d'angeretta havei,
E tanto bella dentro, e de fuo sei
Che in voi ven ro Pareizo i oggi mé.
Però se vei vorei ro ben dro Cé
Voi mesma dentr'un speggio mirá dei
Ch'in voi donna divinna troverei
