Ms. Marston 56/De li trenta grai de messê san Ieronimo/3

←Speransa

Manoscrito Marston 56, 1465 De li trenta grai de messê san Jerömmo Lo terso grao si è caritë

Paciencia→

azonto maiuscole, pontezatua, tratin inte forme interrogative e diacrittichi (segondo a prononçia do XVIII sec. e e reggole do Prien do 1745; ecetto "ë" = æ, "ö" = œu);
lasciao a tirde in sciâ "n", in corscivo i atre ligatue, in apiçe e coreçioin posterioî; tra e parentexi quaddre e lettie da azonze, tra e tonde quelle da esponze;

Lo terso grao si è caritë.

Lo terso grao si è caritae, sensa la quâ lo homo non po esse sallo^[sic]. E Dee dixe in lo Evangerio che lo homo no po avei mao caritae como dâ la anima soa per amô de Dee.

E san Zoane evangelista dixe che chi vè lo prossimo bezognozo e non lo sovegne posandollo sovegnî, che in quello non è caritae.

E san Zona^[sic] Batesto dixe che chi a doe gonelle, ne daga una a chi non n'a, e chi a vianda da mangⁱâ degⁱa fâ lo semegeive, e chi a doe gonelle e non ne dà una, como darallo lo so cör per amô de Dee, ni a morte per lo prossimo in lo tenpo de la presechuciom? Nondemen noi non demo avei tanta caritae, ma demo vorei dâ de le nostre cosse a li poveri per lo amô de Dee, persochè lo nostro Segnô Dee dixe in lo Evangerio che o vègne a ello um savio de la leze lo quâ ge demandà quâ era lo mao comandamento de la leze de Dee, e lo nostro Segnô ge disse: "Ama lo to Segnô Dee con l'anima e con la mente e con tuta la toa vertue." E questo è lo mao e lo promê comandamento de la leze de Dee. E anchora o ge disse: "Ama lo to prossimo como ti mesmo."

E santo Agostin dixe che a vore^[sic] amâ Dee è a fâ li söi comandamenti se goarde da pechâ, e amâ lo prossimo è fâ a atri so che voressi che fosse fëto a ti. E santo Agusti ^{dixe: "Quello} non ama lo prossimo como lê mesmo, persochè o lo vè in nesesitae e si non lo provè de le soe cosse."

E san Grigö dixe che quello chi averà in ello veraxe caritae e che l'amerà lo amigo in Dee e lo inimigo per Dee, e chi non a questa caritae e tuto lo bem che o fa non ge basta a salvasse.

E san Pero dixe che la caritae è destruciom de monte cosse de caritae^[sic], e persò o n'è mao vertue como avei caritae.

Como dixe san Zoane evangelista: "Dee si è carita^[sic] e chi a caritae si è in Dee e Dee si è in ello" E per sò la caritae de Dee parsse in noi quando o dè la anima soa per noi, e per questa caxom e' demo dâ lo nostro corpo a morte per caxom de la anima de lo prossimo, e chi non fa questo non è preffeto in caritae, presochè perffeta caritae è mete da banda ogni timô, e perffeta caritae è in quelli chi goardam li comandamenti de Dee. E persò, fraello, non amâ lo demonio ni le cosse mondane, persochè tute le cosse de lo mondo sum cupiditae de ögi con conchupisencia de carne e orgögio de vita, e tute queste cosse sum contra la caritae de Dee, e persò lo mondo passerà in lo so dexirâ.

La caritae è preffeta in lo homo quando o l'oserva li comandamenti de Dee, e che non ge pairem grevi, ma che e' ge pairem lengê. Chi non ama lo prossimo la soa anima è morta.

E san Poro dixe che se e' parlassem in lengoa de angero e che manchassem de caritae, che sareiva semegeive a una canpana che a söna a atri e ella messa^[sic] se freiga. E anchora se avessem tuta la siencia de li homi e tute le proffecie e che avessem tanta fe' che feissem zonze l'u[m] monte con l'atro e che non avessem caritae, che o non ge vareiva niente. E anchora se deissem tute le soe cosse a li poveri e lo so corpo a bruxâ e non avessem caritae, o non ge vareiva ninte^[sic] ni ge zoereiva a la soa sarvaciom. La caritae si è bona e preffeta e senssa invidia e senssa propietae, e si non è iroza, ni cubitoza, ni sercha quello chi non è so, ni scregnisse nissum, ni penssa mâ, ni s'alegra mai de lo mâ de lo prossimo, e si sofere ogni cossa, e si cre tuto, e tuto spera, e tuto teme. La caritae non mancha mai. E' sum tre cosse: fe' e speranssa e caritae. E la mao chi sea si è l'amô de lo prossimo, soè esse preffeto in lo amô de Dee.

E santo Agustin dixe chi piaxe a Dee, pianze, vegⁱâ e zozunâ, dâ limoxine, reseive martirio e tute queste cosse non varem niente se non g'è caritae, perssochè l'è quella chi orna ogni cossa, e chi a caritae dà senper consegⁱo e salvacio a la anima.

E Saramon dixe che o non è homo a lo mondo si richo che se o non a caritae che o non sea povero, e non è homo si povero che se l'abia caritae che o non sea richo, che cossì como la anima è vertue de le menbre de lo homo e de lo corpo, e cossì la caritae è valor de tute le atre vertue de lo homo.

E san Poro dixe che lì unde non è caritae, che ge mancha ogni cossa, che lì unde è caritae che lì g'è tute cosse a conpimento.

E santo Agostin dixe che ogni persona chi vö carite' e preffeta fe si ge dage lögo de amâ ogni xiano ingoamenti cossì _co_mo lê mesmo persochè ogni homo è menbro de Xe. e Xe. è testa de tuti noi.

E santo Agostin dixe che ogni persona chi vö caritë e preffeta fe' si se dage lögo de amâ ogni crestiaano ingoamenti cossì ^como lê mesmo, persochè ogni homo è menbro de Xe e Xe è testa de tuti noi.

E santo Agustin dixe che la umilitë si umilia Dee e si lo fa abitâ in terra e si exalta tanto lo homo che o lo fa montâ in cell con Dee.

E san Grigö dixe che logessa^[sic] de terra non parte quelli chi son ligai de ligame de caritae, perchè li homi sum tuti frai per natura, segondo lo nostro paire Adam, e tuti li homi sum frai secondo lo raxonamento de lo batesmo se Xe. è um ligame de caritae lo quâ ne a tuti ligai con um ligame de amô, e doncha chi dè vorei ronpî tâ ligame e um tar amô de leze e bem se po dî che quello è quello chi vö ronpî Xe.

E santo Anbröxio dixe: "Quello ama con preffeto amô e con preffaⁱta^[1] caritae chi ama lo prossimo como lê mesimo, e non per atra caxom, persochè ello è como de una mesma raxom. E cossì e' demo cre in una mesma fe', e recatai de lo so preciozo sangoe e si n'a convië a um beneito regno."

E san Grigö dixe che lo homo se po apropiâ a Dee se e' l'a preffeta caritae e si non dè callâ de regraciâ la divina magestë, cossì in le aversitae como in le prosperetae. Anchora o po esse proao se ell'a preffeta caritae de lo prossimo se ello non mancha de fâ lo debito servixo a piaschum, e cossì a l'inimigo como a l'amigo. Anchora o po esse proao se l'a preffeta caritae se ello prega cossì per lo amigo como per lo inimigo. E anchora o po esse proao se e' l'a caritae in lê mesmo quando ello se alegra cossì de quello che o dà per la anima soa cossì como quello che o consuma per la nesesitae de lo so corpo. Anchora o se po cognosse se l'a preffeta caritae, se ello se alegra cossì de esse desprexiao como de esse honorao. E in questo lo nostro Segnô ne ameistra in avei preffeta caritae como a regraciâ cossì quelli chi ne fam mâ como quelli chi ne fam bem, non tanto perdonâge como in pregâgem^[sic] che non fassam vendeta, ma eciamdee in amalli tanto che ti pregi per elli e de fage tuto quello che ge fa mestê, e cossì averemo preffeta caritae.

E santo Agustin dixe che quello che fè Xe, che o non lo fè per atro, salvo per dane a intende che o n'ama, e inpersò fâ quello che o dixe: "E questo è lo mê növo comandamento, soè che voi ve debiai amâ l'um l'atro cossì como e' o amao voi." E sorve questo comandamento santo Agustin dixe che chi vö savei la leze de Dee, si inprende prumeramenti de amâ, e se ello vö savei como, goarde como Xe. ama, goarde quante persone ello ama, e ane daito exenprio che non amâ non basta, avanti o nöxe.

E santo Anbröxio dixe che chi ama preffetamenti Dee, si ge dage tuto lo cör in talle^[sic] che non ame, ni teme, ni dexire, ni spere, ni o dë desprexo ni despiaxei de Dee, persochè lo so cör è pin de Dee, persochè o tröva lögo in atra cossa. E se fosse chi voresse dî: "E' amo Dee si preffetamenti che a mi non piaxe salvo so che piaxe a Ello", e sapi che quello amô n'è ninte se ti non oservi li comandamenti, persochè lo Segnô dixe che se dega oservâ li söi comandamenti, e chi non li ama non li oserva, che cossì como e' o mostrao che amo lo Paire de(e) cell, cossì e' o oservao li söi comandamenti.

E san Zoane evangelista dixe che nissum non ama Dee se o non a caritae inver lo prossimo, lo quâ o vè e tocha, e como amerallo Dee chi nn ve, so è a dî, lo prossimo lo quâ è so demestego? E doncha como pollo amâ Dee lo quâ g'è lonzi e lo quâ o non vè? E persò o non basta amâ Dee pu cha niguna atra cossa e pu cha noi mesmi, inpersochè ni tute le persone ni noi non semo suficienti a fâ quello che fa mestê e como basta soramenti a Dee, e persò e' demo vorei mete in ello tuti li nostri pensamenti, persochè l'è soramenti quello chi po conpî tuti li nostri dexiderei. Lo preffeto amô de Dee è como la morte, persochè cossì como la morte cassa la anima da lo corpo, cossì lo amô de Dee cassa lo vicio da lo homo.

E santo Agustin dixe che Dee non consentirà che regnamo in cell con ello se noi non vogⁱamo che o regne con noi in terra, e quando e' regneremo in cell con ello, certo ello conpirà la nostra volontae in pareizo. E como cognoseremo che o regne con noi in terra? Certo quando e' faremo a la soa volontae. E che cossa è conpî la vorontae de Dee? O non è atro salvo fâ so che o comanda e de vorei esse contento de tuto quello che o vö fâ, e questa è la preffeta caritae de Dee e de lo prossimo.

1. o scrivan o l'ha azonto a i doppo a a pe coreze preffata in preffeta