 |
Questa pagina a no l'è stæta corretta. | |
Perchè questa tâ fe' è morta in lê mesmo.
E in questo san Zoane dixe: "O homo mostrame la toa fe', persochè tu di che ti crei che sea um Dee, per che sapi per fermo, che lo demonio cre questo, e a questi tai questa ge sarà penna in lo dì de lo zuixo. Unde e' trövo che monti homi sum salvi per hövere de fe', como fo Abram, chi vosse sacriffichâ lo so figio a Dee, e ello fo sacriffichao[sic] per le soe bone hövere. Che cossì como lo corpo senssa lo sprito è morto, cossì la fe' sensa le hövere è morta. Persochè Dee dixe in lo Evangerio a Thomao: "O Thomao, persochè ti m'ai visto ti ë cretuo, beai saram quelli chi non me veiram e creiram."
E san Grigö dixe che o vem a noi beatitudem che non perderemo mai e si averemo bona ventura se creiremo con bone hövere.
E san Sidero dixe che chi cre in Dee se goarde da peccâ, persochè Dee dixe in lo Evangerio che: "Chi in mi creirà, e' ge farò insî de dentro la ventre una agioa[sic] viva chi lo sanerà".
Lo secondo grao si è speransa
Lo segondo grao si è speranssa. Noi demo avei speranssa che se noi faremo bem che Dee ne farà bem e segondo la nostra fe', e che chi farà bem e' averà bem e anderà a vita eterna, e che chi farà mâ anderà in lo inferno. Che Dee dixe in lo Evangerio che verà pu tosto men lo cell e la terra che manche una sola silaba de la scriptura.
E Davit proffeta dixe: "Goarda como è savio lo nostro Segnô, persochè l'è bem beao quello chi spera in Ello." E in um atro lögo o dixe che l'è megio sperà in Dee cha sperà in li homi, e megio sperâ in Dee cha sperâ in li principi.
E santo Agustim dixe che la nostra cupiditae carnâ che la demo lassâ e dâ tuto a li poveri per lo amô de Dee, e si demo sperâ che Dee ne (ne) darà per um cento in lo regno de vita eterna.
E lo nostro Segnor Dee dixe per Izaia proffeta che quando justo pecca che tuta la stuta la soa justixia è adementegâ davanti da Dee. E Cossì per lo contrario, quando lo peccao se convertisse a penetencia, tuti li söi mai sum adementegë davanti da Dee.
E santo Sidero dixe che sum alchum chi crem tuto in la Scriptura e am speranssa che quando e' moràm che se ne degem andâ davanti da Dee. E cossì per lo contrario, stagando in questa speranssa. E de questi se pö dî che e' peccam como desperai. E in questo san Grigö dixe che lo peccao chi non crè in lo zuixo de Dee, che questi tai pon esse serti de non vei la soa mizericordia.
Lo terso grao si è caritë.
Lo terso grao si è caritae, sensa la quâ lo homo non po esse sallo[sic]. E Dee dixe in lo Evangerio che lo homo no po avei mao caritae como dâ la anima soa per amô de Dee.
E san Zoane evangelista dixe che chi vè lo prossimo bezognozo e non lo sovegne posandollo sovegnî, che in quello non è caritae.
E san Zona[sic] Batesto dixe che chi a doe gonelle, ne daga una a chi non n'a, e chi a vianda da mangiâ degia fâ lo semegeive, e chi a doe gonelle e non ne dà una, como darallo lo so cör per amô de Dee, ni a morte per lo prossimo in lo tenpo de la presechuciom? Nondemen noi non demo avei tanta caritae, ma demo vorei dâ de le nostre cosse a li poveri per lo amô de Dee, persochè lo nostro Segnô Dee dixe in lo Evangerio che o vègne a ello um savio de la leze lo quâ ge demandà quâ era lo mao comandamento de la leze de Dee, e lo nostro Segnô ge disse: "Ama lo to Segnô Dee con l'anima e con la mente e con tuta la toa vertue." E questo è lo mao e lo promê comandamento de la leze de Dee. E anchora o ge disse: "Ama lo to prossimo como ti mesmo."
E santo Agostin dixe che a vore[sic] amâ Dee è a fâ li söi comandamenti se goarde da pechâ, e amâ lo prossimo è fâ a atri so che voressi che fosse fëto a ti. E santo Agusti dixe: "Quello non ama lo prossimo como lê mesmo, persochè o lo vè in nesesitae e si non lo provè de le soe cosse."
E san Grigö dixe che quello chi averà in ello veraxe caritae e che l'amerà lo amigo in Dee e lo inimigo per Dee, e chi non a questa caritae e tuto lo bem che o fa non ge basta a salvasse.
E san Pero dixe che la caritae è destruciom de monte cosse de caritae[sic], e persò o n'è mao vertue como avei caritae.
Como dixe san Zoane evangelista: "Dee si è carita[sic] e chi a caritae si è in Dee e Dee si è in ello" E per sò la caritae de Dee parsse in noi quando o dè la anima soa per noi, e per questa caxom e' demo dâ lo nostro corpo a morte per caxom de la anima de lo prossimo, e chi non fa questo non è preffeto in caritae, presochè perffeta caritae è mete da banda ogni timô, e perffeta caritae è in quelli chi goardam li comandamenti de Dee. E persò, fraello, non amâ lo demonio ni le cosse mondane, persochè tute le cosse de lo mondo sum cupiditae de ögi con conchupisencia de carne e orgögio de vita, e tute queste cosse sum contra la caritae de Dee, e persò lo mondo passerà in lo so dexirâ.
La caritae è preffeta in lo homo quando o l'oserva li comandamenti de Dee, e che non ge pairem grevi, ma che e' ge pairem lengê. Chi non ama lo prossimo la soa anima è morta.
E san Poro dixe che se e' parlassem in lengoa de angero e che manchassem de caritae, che sareiva semegeive a una canpana che a söna a atri e ella messa[sic] se freiga. E anchora se avessem tuta la siencia de li homi e tute le proffecie e che avessem tanta fe' che feissem zonze l'u[m] monte con l'atro e che non avessem caritae, che o non ge vareiva niente. E anchora se deissem tute le soe cosse a li poveri e lo so corpo a bruxâ e non avessem caritae, o non ge vareiva ninte[sic] ni ge zoereiva a la soa sarvaciom. La caritae si è bona e preffeta e senssa invidia e senssa propietae, e si non è iroza, ni cubitoza, ni sercha quello chi non è so, ni scregnisse nissum, ni penssa mâ, ni s'alegra mai de lo mâ de lo prossimo, e si sofere ogni cossa, e si cre tuto, e tuto spera, e tuto teme. La caritae non mancha mai. E' sum tre cosse: fe' e speranssa e caritae. E la mao chi sea si è l'amô de lo prossimo, soè esse preffeto in lo amô de Dee.
E santo Agustin dixe chi piaxe a Dee, pianze, vegiâ e zozunâ, dâ limoxine, reseive martirio e tute queste cosse non varem niente se non g'è caritae, perssochè l'è quella chi orna ogni cossa, e chi a caritae dà senper consegio e salvacio a la anima.
E Saramon dixe che o non è
