Cava in to remoin 1930/SEMPLICITAE CICCIOLLAEA

by Gioxeppe Cava

←A Cristoforo Colombo

In to remoin de Gioxeppe Cava Semplicitae cicciollaea

Inno a-o nostralin (Brindixi)→

SEMPLICITAE CICCIOLLAEA

Torta de seixao,^[1]
torta de gran,
ûn mezo litro,
ûn po' de pan
l'é 'na çenetta
da cicciollae
ch'a costa poco,
a t'impe assae.

Doppo se càrega
ben a pippetta,
se fa due ciarle
co-a patronetta,
o con e carte
se fa a bottiggia
fra quattro amixi
a bescambiggia^[2].

Verso dex'ôe
se issa a vèia,
se lascia tûtti
cö-a bonn-a seia;
se torna a casa
cö chêu contento
e s'arve a porta
in t'ûn momento.

Poi se va a letto
senza fracasso,
e se coggiönn-a^[3]
ö contrabasso.

1. Torta de seixao: torta di ceci o farinata (in genovese «fainâ»).
2. Bescambiggia: briscola.
3. Coggiönn-a: minchiona.