Pagina:Cava in to remoin 1930.pdf/26

Da Wikivivàgna
Sata a-a navegassion Sata a-a serchia



Doppo se càrega
ben a pippetta,
se fa due ciarle
co-a patronetta,
o con e carte
se fa a bottiggia
fra quattro amixi
a bescambiggia[1].

Verso dex'ôe
se issa a vèia,
se lascia tûtti
cö-a bonn-a seia;
se torna a casa
cö chêu contento
e s'arve a porta
in t'ûn momento.

Poi se va a letto
senza fracasso,
e se coggiönn-a[2]
ö contrabasso.

  1. Bescambiggia: briscola.
  2. Coggiönn-a: minchiona.