Pagina:Cava in to remoin 1930.pdf/25

Da Wikivivàgna

sciûgâ d'inciostro ùn pösso;
no pêuan negâ che i avi
no t'han concesso ûn gösso[1].
Questo l'é ben çertissimo,
e senza de Isabella
n'avien i «dotti storici»
aççeiza sta ratella:
pe voeïne tiâ dö merito
manchieva ogni raxon
perché ti siesci morto
perdonna! da strasson.


SEMPLICITAE CICCIOLLAEA

Torta de seixao,[2]
torta de gran,
ûn mezo litro,
ûn po' de pan
l'é 'na çenetta
da cicciollae
ch'a costa poco,
a t'impe assae.

  1. Gösso: battello.
  2. Torta de seixao: torta di ceci o farinata (in genovese «fainâ»).