Cava in to remoin 1930/PASQUA
| ←Ciêuve!... | In to remoin de Pasqua |
A greppia→ |
PASQUA
Pasqua de rêuze,
Pasqua de sô,
pinn-a de incanti,
gonfia d'amô.
Canta e campann-e,
canta i rïen[1]
cantan e stalle,
canta i villen.[2]
O gh'é pe l'aïa
tûtta ûnn-a festa
gh'é pä ûnn-a mûxica
drento a-a foresta:
'na vitta nêuva
a l'é sccioïa,[3]
tûtta a sêu gioia
ö mondo o crïa.[4]
I proî son verdi,[5]
han scïoe i orti,[6]
e finn-a e fosse
di nostri morti
son meno tristi,
son tûtte odô,
quaexi a conforto
dö nostro dô.
Portae, Campann-e,
l'allegro osanna
in casa a-o ricco,
drento a-a cabanna;
daene ö sorriso,
daene a bontae,
rendei feliçe
l'Umanitae.