Cava in to remoin 1930/CIÊUVE!...
| ←Canta, bambinn-a! | In to remoin de Ciêuve!... |
Pasqua→ |
CIÊUVE!...
Ciêuve!... Son malinconico,[1]
ho l'anima frusciâ;[2]
fûmmo, passeggio, lezo
e bägio a tùtt'anda.[3]
Che noia, che malessere
me sento addosso anchêu;
ho tûtti i nervi teizi,
ûn gran languô in to chêu.
N'ho volontae de ninte,
quaexi no sò pensâ...
son comme ûn sacco vêugio,
un legno in mezo a-o mâ.
Co-e dîe tambûo in sce i veddri
motivi senza fin,
disordinae, imposcibili...
e a noïa a fâ cammin.
Ciêuve!... Che giornâ pèscima
ciû lunga dö bestento;[4]
e ciêuve de continuo
senza cessâ ûn momento,
A vegne zû menûa,
pä quaexi regolâ:
che proçescïon de paegua,
che bratta pe-a contrâ!...[5]
Megio, çent'ôtte megio,[6]
o ciaeo di lampi e i troïn[7]
a fûria da tempesta,
i forti slavassoïn.[8]
Ma 'st'aegua sempre paegia[9]
'sto çê de ciungio, basso,
son comme ûnn'aenn-a mobile,[10]
ûnn'angonia, ûn colasso.
Ciêuve, son malinconico,
ho l'anima frusciâ;
fûmmo, passeggio, lezo
e bagio a tutt'andâ!...