Pagina:Cava in to remoin 1930.pdf/58

Da Wikivivàgna

Ti a canti ben perché ti senti drento
cö sangue remesciâ questo motivo,[1]
e ti ghe metti tanto sentimento
che standote a sentî quaexi revivo

e belle ôe passae quando vibrava
in te mae venn-e ascí l'eterno canto
da zoventû trionfante, a-a quae bastava
ûn solo sorrisin pe fâ ûn incanto.

Canta, bambinn-a, canta; a têu vôxetta
'sto vëgio chêu marotto a me resann-a,[2]
mentre ascöso e sottî ne-a cansönetta
gh'é ö prelûdio per tî da ninn-a nann-a.


CIÊUVE!...

Ciêuve!... Son malinconico,[3]
ho l'anima frusciâ;[4]
fûmmo, passeggio, lezo
e bägio a tùtt'anda.[5]

  1. Remexiâ: rimescolare.
  2. Marotto: malato. resann-a: risana.
  3. Cièuve: piove.
  4. Frusciâ: tediata.
  5. Bàgio: sbadiglio.