Berio m.r. II 1.6/Lo terzo libro de li exempli/2
| ←1 | Berio m.r. II 1.6 - Lo terzo libro de li exempli Delli exempli de santo Machario abao lo qual si convertì doi zoveni. |
3→ |
| azonto pontezatua, maiuscole e diacrittichi (a. aguçço = voc. curta, a. çirconf. = voc. longa, ö = œu), in corscivo e ligatue (G. Musso). |
Vègnen una fiâ allo abate Machario doi zoveni. E l'un si era monto docto e sapiente, e l'altro si era monto simplice, e si se butàn alli pei de Machario pregandolo che gi piaxesse che elli steissem comseigo a servir a Dio. Et Machario, vegandoli monto delichati de lo corpo, ello non poeiva creder che questi doi zoveni poessen perseverar le faige de lo deserto, onde Machario si gi disse: Fraeli mei, dubito che voi non porrei perseverar. E quelli respoxen: Or che doncha faremo? Et lantora lo abate Machario si pensà i infra si digando: Forsa se lli abandono e sereiva caxon della soa dampnacione. Unde Machario si lli ihamà e si li disse: Andai in tale luogo e pensati de hedificare voi cum le vostre main doe celle. Alle quai parolle queli doi zoveni si pregàn a Machario che gi piaxesse de acompagnarli fin a quello luogo. E lantora Machario per provarli si li menà e si gi mostrà una grandissima pietra e si li disse: Pensai de tayar et de cavar questa pieta e cavaira tanto che voi possai far doe celle per voi. Et questo disse Machario che elli non possando durar tanta breiga che elli deprexente si se partireivan. Onde questi zoveni cum grandissimo fervore promissen de far tuto quello che Machario li comandava e depresente elli si cavàm quella pietra e ssi fen le soe celle. Et vegandoli Machario continuamenti cressere de ben in megio e continuamanti stare in oracion alla zexia cum silencio, lantora Machario si vosse savei da Dio como le opere de questi zoveni fossem aceptai davanti da Dio, onde Machario per questa caxon ello si zezunà tuta la setemana pregando a Dio che (che) li manifestasse le lor opere. E faita la oracion Machario si se ne ze allo eremo per trovar a queli zoveni e quando fo zointo in quello luogo Machario si ihochà la porta e queli subito li avrì la porta e como questi zoveni videno a Machario si se butàn alli söi pei e faito che elli aven oracion segondo la uxanza delli monexi elli si se assetàn e ssi teseivan e lavoravan de le lor main fin a nona senza parlar. E faito questo elli si missen thora per disinar, zoè trei biscotieli cum aigua. E mangiao che elli aven quelli zoveni si demandàn a Machario se ello voreiva restar quello giorno o no, e quello si disse che ello voreiv[a] restar cum elli. E lantora queli zove[ni] [...] ...xen una boa da uno cant... [...] ...mire e cossì fen e t... [...] e si se misen alla oracion. Et santo Machario non dormiva e si guardava tuto zo che elli faxeivan. E stagando cossì Machario si vide una grandissima multituden de demonij si como mosche intrar dentro dalla bocha allo zoven menor le quai si se assetavan son li ögi e per tuta la persona. Ma lo angelo de Dio si stava armao cum una spâ de fuögo e si llo deffendeiva e ssi cazava li demonij. Et allo magiore zoven li demonij si non se aprosimavan. E quando fo apresso a giorno Machario si mostrà quaxi che ello se desasse da dormire et quello magior zoven si ze a Machario e ssi gi disse: Piaxate, padre, che noi cantamo doze psalmi. E Machario disse: Volentiera. Et ade... che cantavan pareiva che per ogni [...] ...lli dixeivan che insisse una fia... [...] bocha de quello zoveno...
alli pei de Machario arecomandandosse alle soe oracioin. Et considerando Machario quello che aveiva visto lantora cognossè che lo magior zoven fosse za perfecto servo de Dio, Ma lo minor zoven ancora era temptato dali demonij. E dapöi alquanti giorni quello magiore passò de questa vita et lo terzo giorno morì lo minore.