Berio m.r. II 1.6/Lo terzo libro de li exempli/3

←2

Berio m.r. II 1.6 - Lo terzo libro de li exempli Como orando Machario gi vègne una voxe da cielo e ssi gi disse como ello non era pervegnuo a la perfecion de due femene chi stavan allo mondo cum li mariti.

4→

azonto pontezatua, maiuscole e diacrittichi (a. aguçço = voc. curta, a. çirconf. = voc. longa, ö = œu), in corscivo e ligatue (G. Musso).

Como orando Machario gi vègne una voxe da cielo e ssi gi disse como ello non era pervegnuo a la perfecion de due femene chi stavan allo mondo cum li mariti.

Ancora orando Machario ello odì una voxe da cielo la qual gi disse: O Machario tu si non si ê ancora pervegnuo alla perfecion de due femene le quai si stan alla citai insieme. Per la qual voxe subito Machario si preixe lo so baston e si se ne ze alla citae e ssi andava demandando e cerchando della caxa de queste femene. E quando ge fon mostrae, Machario si pichò la porta. E vegnando l'una dona per aperir, vegando questa che era Machario, si lo menàn dentro. Et lantora Machario si ihamà a tute doe e si gi disse: Sapiai como e son vegnuo de si longa via e cum tanta faticha per cognosser le vostre opere, onde ve priego che voi me lo digai senza alcuna scuxa. i Alle quai parole quelle done si respoxen: Padre mio che opere son le nostre stagando e dormiando noi cum li nostri marij et essendo alle mixerie de lo mondo? Et Machario pur perseverava pregandolle che gi dicesse le soe opere. Et lantora quelle done constreite per le molte pregere de Machario si dissen: Padre mio, noi semo constreite insieme de far una vita in servir a Dio e ssi semo parenti, chè noi semo mogiê de dui fraeli, e ssi semo staite tute noi due cum li nostri mariti za xv agni e semper semo staite in paxe e mai, Dio ne sia testemonia che mai una soza ni cativa parola non disse l'una a l'altra. Et spesse fiate amo deliberao insieme de lassar li nostri mariti e intrar in alcuno monesterio delle vergene, ma li mariti nostri non vosseno mai consentire. Et vegando noi per questo modo poei far questo si semo disposte e deliberae, zoè de non parlar parole vane ni ocioxe, ma semper parlare e pensare de li iudicij de Dio. Alle quai cosse odando Machario e amirandosse de così grande cosse considerando che doe femene abian tanta virtue e lantora ello si disse: In veritai aora e veigo ben che Dio non aguarda ni a vergine ni a maritai ni a secolare, ma solamenti aguarda alla bona voluntai che lo homo si a in lo cuore e in la soa mente.