Berio m.r. II 1.6/Lo terzo libro de li exempli/1
| Berio m.r. II 1.6 - Lo terzo libro de li exempli Incomenza lo terzo libro de li exempli. |
2→ |
| za transcrito da l'Izoa e pubricao inta Rassegna Naçionâ vol. XI fasc. II do 1 nov. 1882 azonto pontezatua, maiuscole e diacrittichi (a. aguçço = voc. curta, a. çirconf. = voc. longa, ö = œu), in corscivo e ligatue (G. Musso). |
Fo uno remito solitario in uno streito remitorio. Or adivene che qnd mangiava in quella hora si vegniva una lupa e ssi stava cum ello ni mai certamenti questa bestia falliva la hora de mangiar e si stava e como uno homo si pichava la poarta quasi digando: Dame de lo pan. Et subito questo heremito gi aperiva la porta, e si ge dava del pane dalla soa man, e quela lupa lo prendeiva, e pöi si se partiva. Or intervegne una fiâ, che lo dicto heremito si ze de föra per servixo e per acompagnar un so compagno, lo quar ello l'aveiva visitao, e si bestentà trei giorni a tornare in la soa cella. Or infra questo tempo si vègne la lupa allo tempo uxao e tanto pichà la porta, che l'a averta, e si intrà dentro e, no trovando lo remito, ella si vide una sportella, la qual pendeiva, de pan, de li quai la lupa ne preixe uno e si lo mangià e pöa se partì. Et tornando poi lo remito, e trovando questo danno, no poeiva pensar chi gi avesse faito questo danno. Ma pur vegando che la lupa non tornava, segondo che ella era uxata, ello si ave sospezon che la lupa non gi avesse faito questo dano. Et uno giorno stagando lo heremito in la soa cella e abiando melenconia che la lupa l'aveiva abandonao, inperzò che ello si aveiva perduo lo so solazo, onde ello si pregava a Dio che la feise tornar. E passai li sexe giorni, ella si retornà alla cella dello heremito, e si stava de fuöra della porta tuta vergognoxa, quaxi demandando perdonanza, stagando semper cum li ögi in terra. La qual cossa vegando, lo heremito ave compassion de ella e llo heremito si gi comandà che ella intrasse dentro seguramenti, e subito ella si intrà dentro butandose davanti ali pei dello heremito. E vegando cossì, si ge dè de lo pan doa tanta che non era uxato de darge. Per la qual cossa la lupa, quaxi intendendo che lo heremito l'avesse perdonao, demestegamenti ella si tornà alla uxanza primera e semper allo tempo da mangiar ella si vegniva per pane. Or consideran do a voi, lezeoi, li quai lezerei questa lezenda, che la lupa, la qual si è bestia, si a cognossuo che ella a fallio e si se humilia como fosse una columba o uno agnello, e noi dolloroxi homi racionali si se superbiemo e ssi vogiamo mangiar l'uno a l'altro, e questo certamente si è da pianzer e de avei dolore, che le bestie salvaige si aman le virtue, ma li homi si lla desprexian.