Applauzo de Zena
| Applauzo de Zena e Tempomegio dro Parnazo per l’eleçion dro Serenissimo Giruoemo De Franchi Duxe de |
| in Zena, præ Beneito Guasco, 1653 - exemprâ conservao a Zena presso a libraja Beio rieddita da-o G. M. Prien inta "Çittara zeneize" do 1745 |
APPLAUZO
DE
ZENA
E TEMPOMEGIO
DRO PARNAZO
PER L’ELEÇION DRO SERENISSIMO
GIRUOEMO
DE FRANCHI
DUXE
POEMETTO DE
GIAN GIACOMO
CAVALLO
.jpg)
IN ZENA,
Præ Beneito Guascho. M. DC. LIII.
Con licensa dri Superiuoí.
.jpg)
.jpg)
RANCHI, FRANCHI, oh' che giorno,Da scrive trà ri Annali dri Governi
A Caratteri eterni;
Giorno tanto felise,
Quanto chiù ræro come ra Fenise.
Zà cria ra Gran Sala tutta affæto
Cento settante tré, ro Duxe ,e, fæto,
E tutto allegro ro Paraxo, e Banchi
Da per tutto à regatta ogn’un responde,
Ro gusto incorresponde
Fà che se ne traonna ra sariva,
Ne resouenna ogni chiassa,
Ogni Contrá ne giubila, e ne sguassa,
E za ra Famma, che re Poste corre,
Sentio cos’ogni luoego ne discorre
Fa fè tornando, che ro cantà no erra
Dixan che ro Duxægo oura sortío
Ven da ra man de Dio;
Che l’è, senz’atro eleçion Divinna;
Che l’haveine per pegno
Fin de quattr’anni fà ro contrasegno
In raxon de pronostico da fane
Nò lasciava chiù luoego à dubitane;
Che solo oura restava, à, confermara
Che ogni gracia, ch’ò fà sempre, à, ra grande
Da per tutte re bande
Reste quanto chiù grande in tutti impressa,
Ha vossuo per moú luxe
Fá che l’elecion dro nostro Duxe
A posta fæta spicche, e che à compoære
Ro Dì, che nasce ra Reginna Moære;
Com’,à, dí, in sò parlá, gracia compia,
Zena sciù ra fin visse che quest’era
L’unica puradera
Dre cose, che pareivan tanto incerte;
Che l’andá si abbellaxo
In resorve re balle dro Paraxo
Era una Contraziffra dri bestenti
Che ro Cé navegava à questi venti
Che ri Stati dro Mondo han da proponne,
Che ha dæto a sì gran Duxe ra Natura
A cormo de mezura,
Re virtù così sode e così nette;
In ri legati pij
Ra pietæ grande ciù, quanto exequij;
Tutti eran, non che segni manifesti,
Ma crie a son de trombe e de protesti,
Re quæ sonavan re campanne a Nonna
A chi con tanto genio e tanta laude
Tutta ra Terra applaude,
Tanto approvoù da ro comun concetto,
Per attrováse a parte,
Muze, con ri atri a fá ra nostra parte.
Ben luoego è ancuoe d’umiliá ro collo,
Per fáse scara a ro favó d’Apollo.
Sciù sciù donca, in sò gracia, fuoera guanti:
De quella libertæ che tanto amemmo,
Con fuzzí, quando poemmo,
Ri ciongi dre cittæ per rescioráse,
N’oebbriga con ri fæti
D’appartáse da tribuli e da ciæti,
Sciù sciù donca a ra via: boschi, orifuoeggi,
Largura, libertæ, campagna, scuoeggi,
A fá con versi, Arcadie dra marinna,
Che, ricco solo dri vostri resciori,
No invidia a ri tezori
Dra terra, comme indegni a descásáre:
Laghi, fontanne, rivi,
Dri boschi, e dre campagne arinti vivi,
A vuoí donca sciù re are oura spedíe
Ra mæ Muza ben luoego è che s’invie,
Per celebrá tra pubbrico concorso
Quanto innemiga d’ogni sò reposo
Brilláve com’in scoso
Per erzese à ro canto odo ra Mente
Sbossá comme a barlummi
Concetti, e versi, non che à rivi, à Sciummi;
Arrecuoegge oura in questa, ò, in quella banda
Perle, e Sciuoí per intessere à ghirlanda
A Coronna Reá trà ri ori inserta
Ond’,à, battua de Muxica, à, doe Voxe
Re giærette dra Foxe
Han ro maroxelletto per compagno;
Onde treppa, e scorratta
Ro Ventixuoé, chi pá chi zuoeghe à chiatta
Mentre per gove in l’arenin dro tresco
Stan re Muze assettæ com’à ro fresco,
Così Voxe, à, son d’Arpe, e de Chitarre,
Quanto dri tuoè Palacij, e dre tuoè Ville,
Ch’Arba bella à re mille
Comme Suoí dro tò Cé fan che ti luxi,
Se pe ra tò TERARBA
Vegnan de là fin d’onde nasce l’Arba
Queste, chi son senza contrasto, ò lite
Reginne dro Parnazo à reverite
Giusto, è, ben per mostrá che te sæ caro
Dro tò Gran Duxe Franchi hommo si giusto;
Soggetto à tanto gusto
Dra Patria, de lé tanto sodisfæta;
Onde comme à Campanna
GIANO ne cria dapertutto Ozanna,
Per reconosce un tanto Personaggio,
Ha induto Apollo, à, mettene in viaggio,
Con Patente spedia dro sò Collegio,
Ri abbrassi, à son de canti, trà ri atri
Fæti à Gloria Patri
Da ri Poeti massime Zeneizi
Son tæ, per chi ri odisse,
Da stentaseri à cræ, s’,ò, nò ri visse:
PORO Foggetta; Pierantogno Villa
L’un con l'atro ne giubila, e n’axilla,
Per segno tá n'hemmo un despacchio appuintto
Dro nuoevo Duxe Franchi là se spende
Voxe de là da grende,
E da restane l’arregordo eterno:
Ne fondan l’argumento
Sciù ra pruoeva dro mesmo aggradimento
Dra sò Personna in tanti Magistrati,
In Troni de Paraxi, e de Senati
Che così ra Giustitia porte, e voeggie
Darà ro sò Governo à fin vegnúo
Per chiù che conossúo
Dra sò Virtù ro lustro, e ro decoro;
Che, à, peizo de baransa
Ro diran ra Giustitia, e Temperansa
Che compartíe da lé tanto à ro Ricco
Quanto à ro Povero infimo, e mendico
In pruoeva ne daran ro fin dra festa
Re audiense spedie ro diran forte,
Re Antisale, e re Porte
Ne drisseran sciù l’erboro de gaggia;
Re Vidue, e ri Pupilli
Chi dormiran con ri suoè cuoè tranquilli
Asseguræ quanto re Nave in Porto
Da Timoné si dríto d’ogni torto
Benexiran ro Duxe, chi governa
Non solo dra Cittæ, mà dre frontére
Dri Zovi, e dre Riviere
Libere da bandij, e smarraggiassi;
Ro camin largo, e tira
Con l’oro in man sensa nissunna puira;
Con fá savei che chi è cattivo sbratte
Che ra Giusticia da pertutto batte
Ne daran lo assì ro Quadernetto
No ne pueivà aspétá per nissun cuinti
A ro tirá dri cuinti
Ra sò Patria, à, ra massima dra pruoeva;
Che à questa barestriggia
L’oebbrigava l’honò dra sò famiggia
Mentre che in un Duxægo tanto incerto
O doveiva oura lé veise preferto
Per comparí com’in campagna raza
Dro Duxe Franchi fà per ri suoé Chriostri
Si larghi da ri nostri
Lá ro Parnazo chi, è, ra scuoéra primma,
Che in quelli Gabbinetti
Ne ballan lá fin à ri scambelletti
Atrettanto, è, ben luoego che ro fasse,
E che n’erze, à, ro Cé zuinte re brasse
ZENA, chi ne puoé stá sciù ro puntiggio
Atrettanto in raxon de maraveggia
Strannio forsi all’oreggia
Ne resta à dí mirabile da cræro;
Che in ro fá nuoí partensa
Da quella Serenissima Audiensa,
Dopo havei dæto là de sò servello
Campanne e (e) Campanin tutti à martello,
Fin da re Creature, che, no han senso
Piante, che ro Parnazo lá conserva
Pe ri Eroi de reserva,
Per Coronne, per Lettere, e per Arme,
Inchinando, à, sarúi
Ri brocchetti dri rammi chiù menúi,
Pronti à lasciá ri Tronchi, e núi, e grezzi,
Per vegníne, à, honorá dri suoè cortezzi,
Pareivan dí, Muze, piggiæne presto,
Per fáne vei che stavan tutti in trappa,
A serví com’in Cappa,
E reverí ri nostri Staghentæghi:
Ra marmaggia dri Oxelli
Con gorgie, à, barbacchij, e, retornelli:
Re Scioí tutte aspissæ pe re Foreste,
Come vestie dre Robe da re Feste
S’allegravan fin là drì nostri abbiggi
Buoin, quanto grendi in groù superlativo
A tegní tempovivo
Dell’Etæ d’oro in quelli primmi tempi
Quando à Rívi de læte
Se veivan re fontanne arví re træte;
Ra gianda, à, ri Animæ dæta oura in cibbo,
A ri hommi de lantora era zebibbo,
Strixellando ra Rovere in Campagna
De tocca, e leva fæto à questa votta,
Leste sempre, à, ra Scotta,
Con Vento in poppa fin à ro desbarco;
Con l’Aura sopra tutto
Sempre amiga d’Apollo in nostro aggiutto
Gracia dro Cé demo oura in terra attacco
Ond’,à, veirie remisse dentro sacco
Per tanto Gorfo, onde ro Má n’apparta,
Allamá de mirá re prospettive
De così belle Rive,
Mentre all’oeggio ra vista era ancon scarsa,
Da Mariná corteize,
Che resposta, e sarúo tosto ne reize
Ra primma, odimmo, onde ro Má ve menna
,E, Bezagno, l’atra, è, San Pé d’arenna
De delicie unna, e l’atra pellegrinne
Viste, che tosto in termini chiù brevi
Deventavan Relevi,
Onde larghe pareivan Chiarabelle;
A ra Cittæ de dentro,
Che à così belle brasse, è, corpo, e centro;
A ra nuoeva Coronna dre Muraggie,
Pétabotta dri Monti, à, re battaggie;
A ri duoí Muoé stupendi quanto immensi
Giudicando in nuoí mæsme da re esterne
Atrettanto re interne
In groù de Maestæ maraveggioze
Ne pareiva, in pensághe
Per veire un’hora mille d’arrivághe
Quando avvertíe da ro cantá dri Galli
De cangiá tempo, à stá sciù ri regalli,
Ro Má lasciammo, senza perde tempo,
Ro nostro passo à ra Cittæ condúto;
In Paraxo introdúto
A sò Serenitæ ro nostro Breve;
Visto, letto in Senato
Presidente à re Massime de Stato;
Onoræ d’audiensa, e de despacchio
Lasciammo infin, nò senza quarche impacchio,
Con Martello, e con oebbrigo immortale
Chiù in là per oura in prattica si grave
Trá re Muze in Conclave
Forsi Apollo dirà ch',o, nò ne tocca;
Lasciá dra ló referta
Cura à Parnazo, è, via chiù drita, e certa;
Per questo, e mentrè l’han tutta all’Idea
Duoí perfetti Oratuoí Tavon, e Invrea
Tanto chiù tocca, à Nuoí, ro dá chì fondo,
.jpg)