 |
Questa pagina a l'è stæta corretta. | |
12.
ARBÁ ricca de Duxi,
Quanto dri tuoè Palacij, e dre tuoè Ville,
Ch’Arba bella à re mille
Comme Suoí dro tò Cé fan che ti luxi,
Se pe ra tò TERARBA
Vegnan de là fin d’onde nasce l’Arba
Queste, chi son senza contrasto, ò lite
Reginne dro Parnazo à reverite
Giusto, è, ben per mostrá che te sæ caro
13.
Famma in Parnazo andæta
Dro tò Gran Duxe Franchi hommo si giusto;
Soggetto à tanto gusto
Dra Patria, de lé tanto sodisfæta;
Onde comme à Campanna
GIANO ne cria dapertutto Ozanna,
Per reconosce un tanto Personaggio,
Ha induto Apollo, à, mettene in viaggio,
Con Patente spedia dro sò Collegio,
