Ro Chittarrin/Pe re noççe feliçissime Pravexiña=Duraçço

by Steva de Franchi

←À ro signor Domenego Invrea

Ro Chittarrin, o sæ strofoggi dra muza de Steva de Franchi Pe re noççe feliçissime Pravexiña=Duraçço

Pe ro reverendissimo signor Domenego Aurelio de Françeschi→

Pe re noççe feliçissime dri Nobiliss. Signori

MANIN PRAVEXIÑA

E GIACOMO FERIPPO DURAZZO.
SONETTO.

Son fóre che ha inventao l'antighitæ,
Re belleççe dra Moære dell'Amô,
E dro Garçon chi foì cangiao in sciô,
Perseguitao da ro gran Dio dre Armæ:

Ma non dri doî spozoei, che in sta Çittæ
S'uniscian, cari e belli comme un Sô,
Manin, e Giacomin, che fan stupô
A i giorni nostri, e ancora à ri passæ.

Angeri de belleçça e de costummi
Nasceran da sto groppo così degno,
Che dra Patria saran ri primmi lummi.

In toghe, in arme piggeran l'impegno
De fâ scrive de lô tomi e volummi,
Dra nostra libertæ vitta e sostegno.