Ro Chittarrin/À ro signor Domenego Invrea

Da Wikivivàgna
Sata a-a navegassion Sata a-a serchia
Ro Chittarrin, o sæ strofoggi dra muza de Steva de Franchi
À ro signor Domenego Invrea


[p. 112 modifica]
A RO SIGNOR
DOMENEGO INVREA.
SONETTO.


Signor Domeneghin, voî che in Parnaxo
Hei manezzao ro Pegazeo Cavallo,
E à re Muze trovæ sì ben ro stallo,
Che Apollo ha de voî stimma, e ne fa caxo:

Per cose avei piggiao così in dezaxo
E sciù l'órça Gian Giacomo Cavallo,
Che o l'è ra mæ delicia, e ro mæ sciallo,
E ro lêzo e relêzo, e poi ro baxo?

Ve prego per piaxei, con attençion
Lezzeiro, per gustâne ro savô;
Poi, se ve pâ, buttæro int'ro tanon.

Che se scœuvo da voî questo favô,
Son çerto, che cangiao d'opinion
O l'acquisterà grao, laude, e onô.