Ro Chittarrin/In lode dro dottissimo paddre Marco

Da Wikivivàgna
Sata a-a navegassion Sata a-a serchia
Ro Chittarrin, o sæ strofoggi dra muza de Steva de Franchi
In lode dro dottissimo paddre Marco predicatô


[p. 111 modifica]
In lode dro dottissimo Paddre Marco da S. Françesco Carmelitano Scalço dra Provinçia de Veneçia, Predicatô in Zena in ra Catedrale de S. Lorenço l'Anno 1753.
SONETTO.


Veddo ro viçio basso comme un can,
Ligao dre moen, dri pê, roggiâ ri denti:
Ro peccao tirâ via per atri venti,
Per mette caza in lœugo ciù lontan.

Re virtù fâ dell'aria à franca man:
Ri preçetti dra Fè vive contenti.
Lagrime de dorô, de pentimentì.
Remette re conscençe in stato san.

Paddre Marco, ro vostro predicâ
Ha misso in confuxion tutto l'inferno.
L'œuvera è vostra: chi ro pœu negâ?

Zena ve stampa un monumento eterno;
Ma sença paragon n'hei da aspetâ
Fra ri gîusti[sic] un ciù grande e sempiterno.