 |
Questa pagina a no l'è stæta corretta. | |
MANIN PRAVEXIÑA
SONETTO.
Son fóre che ha inventao l'antighitæ,
Re belleççe dra Moære dell'Amô,
E dro Garçon chi foì cangiao in sciô,
Perseguitao da ro gran Dio dre Armæ:
Ma non dri doî spozoei, che in sta Çittæ
S'uniscian, cari e belli comme un Sô,
Manin, e Giacomin, che fan stupô
A i giorni nostri, e ancora à ri passæ.
Angeri de belleçça e de costummi
Nasceran da sto groppo così degno,
Che dra Patria saran ri primmi lummi.
In toghe, in arme piggeran l'impegno
De fâ scrive de lô tomi e volummi,
Dra nostra libertæ vitta e sostegno.
