Ro Chittarrin/Pe ro reverendissimo signor Domenego Aurelio de Françeschi

Da Wikivivàgna
Sata a-a navegassion Sata a-a serchia
Ro Chittarrin, o sæ strofoggi dra muza de Steva de Franchi
Pe ro reverendissimo signor Domenego Aurelio de Françeschi


[p. 114 modifica]
Pe ro Reverendissimo Signor

DOMENEGO AURELIO DE FRANÇESCHI
Insigne Predicatô in S. Lorenço.

SONETTO.


Tromba dro Çê, fulmine dro peccao,
Terrô dro mondo guasto, e dell'inferno,
Françeschi, ardiscio dî, che in ti descerno
Segnari sciù ri purpiti tornao:

Perchè da ra tò voxe è soffocao
Ro viçio, e re passioin piggian governo,
E ro ben passagê contra l'eterno
Sparisce, e ra Virtù torna in sò grao.

Donque œuvera sarà de quello santo
Zelo, che i cœu ostinæ confonde e atterra,
E dri Predicatoî te dà ro vanto,

Ri trei nemixi, che ne fan ra guerra,
D'aveiri svergognæ, missi intr'un canto,
E fætoghe posâ re arme à terra.