Ro Chittarrin/Con ra fronte de rœuze e giásemin
| ←In te Domine confido | Ro Chittarrin, o sæ strofoggi dra muza de Con ra fronte de rœuze e giásemin |
À ra signora Dominica Cosarini Latilla che à ro teatro de S. Agostin sosten ra parte de Primma Donna in ri doî drammi Siface e Venceslao con applaoso universale.→ |
Con ra fronte de rœuze e giásemin
Sciù ro sò carro l'alba sparegava:
Quando vì Maxinetta int'ro giardin,
Che re sò bionde treççe a s'acconçava.
Me fei avanti, e viddi che un stiççin
Con ra côa dell'œuggio a me guardava.
Amô m'aççeize in sen ro soffranin,
E ra mæ libertæ ghe restò scciava.
Ligao à ra cadeña lê me ten,
E o me strapaçça senza caritæ,
Sæ giorno ò nœutte, nuvero ò seren.
Amô, te ro domando in caritæ.
Ò ti fa che sta stria me vœugge ben,
Ò ti torname à mette in libertæ.