Ro Chittarrin/À ra signora Dominica Cosarini Latilla

Da Wikivivàgna
Sata a-a navegassion Sata a-a serchia
Ro Chittarrin, o sæ strofoggi dra muza de Steva de Franchi
À ra signora Dominica Cosarini Latilla che à ro teatro de S. Agostin sosten ra parte de Primma Donna in ri doî drammi Siface e Venceslao con applaoso universale


[p. 97 modifica]
À RA SIGNORA

DOMINICA COSARINI LATILLA,
Che a' ro Teatro de S. Agostin sosten ra parte de Primma Donna in ri doî Drammi Siface e Venceslao con applaoso universale.

SONETTO.


Ma ælan cose da fâ strasecolâ!
De sentî ra Latilla in quell'arietta
Stâsene a tù per tù con ra trombetta
Con ro sciao à mezura à gorghezzâ!

E chi moæ à cópella ghe pœu stâ
Con quella voxe sì schillente e netta?
Mi m'aspêto miracori, e uña fetta
De çê carâ zù in terra à vei e toccâ,

Oh se Luçinda à Caximiro allora
In campo armato quando a l'ha sfiao,
Ghe cantava à sto mœuo uña demora!

Dæto per perso, o l'averæ buttao
Ra spâ, ro brandicû zù à ra malora,
E à ri pê o ghe cazzeiva li incantao.