Ro Chittarrin/In te Domine confido

Da Wikivivàgna
Sata a-a navegassion Sata a-a serchia
Ro Chittarrin, o sæ strofoggi dra muza de Steva de Franchi
In te Domine confido


[p. 95 modifica]
In te Domine confido.
SONETTO.


Mi vivo in questo mondo, e comme chi?
Comme un chi cræ che mai non morirà.
E in tanto s'avexiña quello dì,
E ro tempo s'imbarca, e se ne và.

Steva, dì un pò, cose sarà de ti?
Che pesci piggi tu? cose se fa?
Se sempre sciù sto lao ti stæ così,
In l'âtro mondo comme a t'anderà?

Ah! ro cœu se me speçça de dorô,
Sciù ra fronte me spontan ri suoî.
Eterno Crocifisso Redentô,

Detesto ri mê falli, i mê nescioî.
Voî dre mizericordie sei l'aotô.
Cianzo e sospiro, ma confío: in Voî.