Rimme taggiasche/Risposta fatta alla quarta lettera
| ←Risposta fatta alla terza lettera | Risposta fatta alla quarta lettera. de |
Essortatione a Bellocchio→ |
| ed. da E.G. Parodi e G. Rossi into Gior. Stor. Lett. da Lig. - IV, 1903. ↑torna a-a lista di atri scriti |
Mi poscio ben canta quella Canzon,
Tu senza Paire, e mi senza Barban
E Fermo senza Zucca, imperche fan
Conseglio contra mi fi ri canton.
Massim’intro Porciè barba Catton,
Barba Firpo Venè, e Antò Tian,
Perch’i voxen menà tutti re man
Senza pù stà à guardà s’i havean raixon.
Seguro ghe vorrea ro libro grosso
De barba Peiro dra me Larietta,
A di (ne ghe starea) zò ch’è seghio.
Ma mi ro dirò pù cosi à ra schietta: (i)
Gh’eira Giuda, Micon, Pouro ro grosso,
E certi herei de barba Antò Moffio.
Gh’eira què reperio
De mastro Zan Pecchion, gh’eira ro Cierra
Chi no lascia rien caze per terra.
Se ghe trovà à stà guerra
Golin, Domè ro Merlo, e Formaggietto,
Marchetto Borro, e Battestin Giacchetto,
E ro Fi de Piretto,
Ghigliè Cireisia e si què sperlenguao,
Piron, Vincè Bodè, e Antò Corrao,
Ro figlio de Sciorao,
Giacomadorno, e Zane Pantasina,
Lorè dro Veglio Fì dra me Maitina,
E ro Fi de Pirina
Dre neggie, che vendea ri canestrelli,
Ro Fì de Zan Besin chien de schiatelli
Per tutto, e à ri parpelli.
Filippo Gaglinè tutt’arraggiao
Descauzo vegnì lì, desgambatao,
Si ben no può ro sciao.
E assai dri aotri, che mi taixo havora
Per no zogà ro mè, ne andà in malhora,
Allargavan ra gora
Dighendo, che mi havea ben faito mà
Gente de tanta sciorta, e de tà affà
No ri mentionà.
Mà i attrovan ra scarpa da so pè,
Che ghe fò fao tornà tutt’in derrè,
E ghe lascian dro pè.
Ma vegnì un pò cozzì, perche vorrei,
Se ro terzo de nove no fò trei,
Come voi ben savei,
Che mi ve mentione intra lezenda?
A divero l’è ben cosa stupenda,
E què ch’è pezo horrenda,
Che dri vostri nexun mentri no gh’eira,
No ri deveva mi metteri in teira.