Rime diverse in lingua genovese/Se parlo oura d'armà trenta garie

Da Wikivivàgna
Sata a-a navegassion Sata a-a serchia
Rime diverse in lingua genovese de Poro Foggetta
Se parlo oura d'armà trenta garie
da-e Rime diverse in lingua genovese, Bartoli, Pavia, 1588
cangiòu e u in v e viçeversa
clicca i asterischi pe l'errata corrige
[p. 29 modifica]

Se parlo oura d'arma* trenta garie,
No che d'armane como za duxento,
Mille dificurtè trova* ghe sento
Da chi n'ha manco voggia asse* cha mie.

5Ma senza breiga à Zena, e in villa assie
Di* noevo veggo fa paraxi cento,
De marmaro de foera, e orne* ben drento
D'oro, e de sea, e gren tapezzarie.

Ma inanti da Citten case habitamo
10E in cangio d'oro, sea e vanite,*
D'arneixi de garie ben s'inchimo.

[p. 30 modifica]


E remi à ri barcoin tutti tegnimo,
E à ra marinna eran da noi portè
Quando in un tratto re garie armamo.

15E a fare no stentamo.
Ma ben de fare ancora moeo gh'è
Se ben ghe troeva tenti se, e me.

Ch'invio fa re vè:
Che per armà garie de bonna voggia,
20No ne manca oro, ma ra bonna voggia.

Che senza brega, e doggia:
Possemo fare, si re demo fà
Per ben comun, per ben particulà.