Rime diverse in lingua genovese/Nio forte per arte, e per natura
| ←Andà veggo per Zena à ra marraggia | Rime diverse in lingua genovese de Nio forte per arte, e per natura |
Se parlo oura d'armà trenta garie→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa clicca i asterischi pe l'errata corrige |
Nio forte per arte, e per natura
Ha Zena chi oura e quasi unna gallinna,
Ma ghe conven tornà dro Mà Reginna,
E guardà ro so nio con gran cura.
5Perche de Niggi ingordi otra mezura
Ogni parte dra terra me pa chinna,
Ch'intri nij de i atri fan rapinna
Se ma guarde* ri troevan per sciagura.
Si che se noi per nostra mara sorte
10Dentr'esto nio forte intrà lassemo
Questi Niggi abrasche* ch'han i ongie torte
A cavaneri poescia stenteremo
E per atri haveremo feto forte,
Ro bello, e caro nio donde stemo.
15E noi chi Pollin semo:
Se veiremo da lo prima perà
Depoescia i osse, e porpe devorà,
E ro sangue chiorla.*
Però noi mesmi Zena guarda* demo,
20Perche l'e nostra, e feta noi se l'hemo.
Forte como veghemo:
E à fa queste muraggie hemo stentao,
Ch'in spalla Coffe asse* g'hemo portao.