Rime diverse in lingua genovese/Perche chiu dro comun ro proprio ben

Da Wikivivàgna
Sata a-a navegassion Sata a-a serchia
Rime diverse in lingua genovese de Poro Foggetta
Perche chiu dro comun ro proprio ben
da-e Rime diverse in lingua genovese, Bartoli, Pavia, 1588
cangiòu e u in v e viçeversa
clicca i asterischi pe l'errata corrige
[p. 30 modifica]

Perche chiu dro comun ro proprio ben
Noi Zeneixi ancoè di tutti aprexemo,
Asegurà re nostre nave femo
Con ra roba che portan monto ben.

5Ma ra nave comunna, che conven
Fa megio asegurà, no asseguremo,
Se ben dri corsè leri teme poemo
Che ro mà nostro è chijn di* questi chen.

Ma s'esta nave abandona* comunna
10Per ben de le chiu no boggiemo aia,*
Noi che semo orbi, e schiavi de dinè,

Per nostro ben ra demo asegurà
Con scui nò, ma con garie armè,
Perche corrimo chi ra so fortunna

15Ra qua nave comunna;

[p. 31 modifica]

De bon Patron bezogna, e bon Pilotto,
Da navegà per ogni vento dotto,

Perch'un losco, e chiarbotto;
Ra fa per mà governo à fondo andà,
20A ra bonassa, no ch'in grosso mà.

E dentri scoggi dà;
Ch'ono sa tegni* dritto ro timon,
E i homi fà morì de fame ancon.