Rime diverse in lingua genovese/Buxotto oste de Recco
| ←Questa frasca d'Amò, questo pissè | Rime diverse in lingua genovese de Buxotto oste de Recco |
Per quella frecchia Amò che ti tirassi→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa; clicca i asterischi pe l'errata corrige |
ro Segnò Poro Foggetta.
Messe* Poro voi sei un galant'homo,
Ma sei troppo sotirio in veritè,
Che certo mi no me ro poeiva crè
Se no ne veiuva ro perche e ro como.
5Un di che chiuvea forte che andà l'homo
Nou* poeiva a nessun mueo pè re strè,
Voi restassi allogià in casa mè,
Che parea Reco ro lago de Como.
E inteiso che voi eri messè Poro
10Fogietta, quello tanto nominaou,
Me foissi caro chiù che un motto d'oro.
E de ogni cosa ve fei bon mercaou
Cossi* vè zuro per san Pè, e san Poro
Che con voi ho perduo, e nò guagnaou.
15Si ve sei lamentaou;
Con di che ri me versi no ve chiaxo
E che à ca me ghe vegnirei à bel'axo.
Per mi vegnighe adaxo
Che presto ne andereiva à l'Hospuà
20Se a i atri come à voi voresse fà.
E se me stè ascotà;
Ve farò(,) cuinto dro cotto e dro cruo
Mangià che feto havei, e ancon bevuo.
Quattr'Oeve con ro fuò,*
25Doe micche doggie, e un'amora de vin,
Formaggio, uga mangiassi ra matin.
Doi sodi pan, e vin;
Doi de formaggio, un d'uga, e d'ove doi
Sè le* ra veritè ro savei voi.
30Chi sà trovà tra noi;
Meggiò mercao da fà colation
Formaggio, uga, ovo, pan fresco, e vin bon.
Dra cenna dirò ancon;
Doi pezzi de bon rosto intro tian
35Un'atro pezzo votto à l'asta chian.
Meza resta de pan;
Doe amore de vin è* una frità,
Che chiù che nò l'hò missa a m'è costà.
O ghe* anchon de quinta;*
40Uga, formaggio, un pan cotto a broetto
Meire bonne, lassemo stà ro letto.
Doi sodi de vin metto;
Sexe de rosto, doi trei poen da otto
Trei de frità, e ninte ro pan cotto,
45Ro cuinto aora chi botto;
Dra frittà dro formaggio un cavalotto
Fè cuinto voi che sei Poeta dotto.
Troverei che Buxotto;
V'hà feto cortexia, e piaxei
50Quando in cuinto ogni cosa metterei.