Rime diverse in lingua genovese/Andà veggo per Zena à ra marraggia
| ←Se duoe de Zena ra Rivera assè | Rime diverse in lingua genovese de Andà veggo per Zena à ra marraggia |
Nio forte per arte, e per natura→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa clicca i asterischi pe l'errata corrige |
Anda* veggo per Zena à ra marraggia
Zoveni à moen scrolando chiu di* cento,
Chi han la* forza si grande, e l'ardimento,
Che ardireivan con Marte fa battaggia,
5E oura se mangian sotto ri pe ra paggia
E dentre forche spesso feran drento,
Ch'han pochi sodi, e manco aviamento
Si ch'e forza arroba* pe ra pittaggia.
Ma se Garie come avanti armemo
10Questi ch'oura scavizzì son chiame*,
Chiamà Scipioin noevi se faran.
E Zena como Roma honoreran
E ri vassalli nostri, e ri corsè
C'houra ne scorren, tutti scorriremo.
15Garie donca femo:
Ch'aviamento à ri meschin daran,
E ro pan con rà spà se guagneran.
Ni arrobando anderan:
Si che se legni de Garie armemo,
20Da ri legni dre forche ri traremo.
E Zena honoreremo:
Perche l'utile, r honò* de questi te,
In groria tornera* d'esta Cittè.