Rime diverse in lingua genovese/Se duoe de Zena ra Rivera assè

Da Wikivivàgna
Rime diverse in lingua genovese de Poro Foggetta
Se duoe de Zena ra Rivera assè
da-e Rime diverse in lingua genovese, Bartoli, Pavia, 1588
cangiòu e u in v e viçeversa
clicca i asterischi pe l'errata corrige
[p. 26 modifica]

Se duoe de Zena ra Rivera asse*
Perche chiu da guardara à n'ha garie,
Ni chiu s'ode in Rivera cha stromie
E tamborin sonà pe ri corsè.

[p. 27 modifica]


5Ni re gente de notte dorman moè
Che ghe fan Turchi, e Mori scorrarie,
E se personne son troppo adormie
Lighe* se troevan prima che dessè.

E streiti in brasso da ri corsè presto
10In fusta son porte* figgie, e figgioe
Si fan la dentro di* tutt'erba un fasso,

Che bottan i homi, e donne à casafasso,
E inseme si ben strenzan quello, e questo,
Che spesso fan buttaghe ro sciao fuoe.

15Ni ghe va di da cuoe:
Ohimè che moero, ohime che vegno a men,
Che ri lascian morì perchè son chen.

E ben mennan re moen.
Che onde feran con ta furia van,
20Che sempre ro segnà resta* ghe fan.

E ro sangue ne tran:
Si che se Zena no fa legni armà
Ghe conven ra Rivera abandonà.