Rime diverse in lengua zeneise/Za i homi de trent'agni eran figiuoe

Da Wikivivàgna
Sata a-a navegassion Sata a-a serchia
Rime diverse in lengua zeneise de Poro Foggetta
Za i homi de trent'agni eran figiuoe
acento grave = vocale curta - acento aguçço = vocale longa; clicca o nummero da paggina pe 'n rafronto co-a transcriçion diplomattica
za pubricao da-o Zabata inta Nuova selva di varie cose piacevoli do 1570 (Steva Verdin, Tasso genovese, La Berio, 1996)
[p. 13r modifica]

Za i homi de trent'agni eran figiuoe
So mamma ghe toccava ancon ro bin
Si ghe dixeiva: vuoeto fa pixin?
Ni braghette portavan com'ancuoe,

Si creivan, che re donne ri figiuoe
Feisan da l'ombrizallo ri meschin
E a sò moere toccavan ro tetin
E in letto ancon dormivan con sò suoe,

Ma tutti haora fan tutto a ro reverso
Che a maresperme son dra scorza fuoera
Che re mate parole chascun dixe.

Si van trová re donne peccarixe
Si fan de pezo, e per zò ven gragniuoera
E s'impenze ro mondo a ro reverso.