Rime diverse in lengua zeneise/Quando a ro ben e má ben hò pensaou

Da Wikivivàgna
Sata a-a navegassion Sata a-a serchia
Rime diverse in lengua zeneise de Poro Foggetta
Quando a ro ben e má ben hò pensaou
acento grave = vocale curta - acento aguçço = vocale longa; clicca o nummero da paggina pe 'n rafronto co-a transcriçion diplomattica
za pubricao da-o Zabata inta Nuova selva di varie cose piacevoli do 1570 (Steva Verdin, Tasso genovese, La Berio, 1996)
[p. 12v modifica]

Quando a ro ben e má ben hò pensaou
Ch'amò me fa sentí seira, e matin
Da ri suoe ferri me dexiro in fin
Como un bello capon d'esse crastaou.

Ma in cangio de crastame o m'ha tiraou
Tente frecchie che puoero un porco spin
E quando in má me bagno poero un zin
De sorta esta merdetta m'ha infrecchiaou.

E puoe ch'ho n'ha chiù frecchie, esto pissié,
Ch'a mi chi ro bersaggio d'amó son
I hà tiré tutte, est'orbo barestré,

O se m'acosta chian d'arregueiton
E dro so fuoego, chiu d'ogn'atro ré
Re frecchie acende, si che bruxaou son.