Rime diverse in lengua zeneise/L'erco dri vostri oeggi, bella suoe

Da Wikivivàgna
Sata a-a navegassion Sata a-a serchia
Rime diverse in lengua zeneise de Poro Foggetta
L'erco dri vostri oeggi, bella suoe
acento grave = vocale curta - acento aguçço = vocale longa; clicca o nummero da paggina pe 'n rafronto co-a transcriçion diplomattica;
za pubricao da-o Zabata inta Nuova selva di varie cose piacevoli do 1570 (Steva Verdin, Tasso genovese, La Berio, 1996)
[p. 12r modifica]

L'erco dri vostri oeggi, bella suoe
È l'archetto d'Amó chi m'ha tiraou
E ro lazzo d'Amó chi m'ha ligaou

[p. 12v modifica]

Si è ro vostro coazzo, ro mé cuoe,

E i uoeggi vostri son re frecchie puoe
De chi Amó com'un tordo m'ha infiraou
E ro fuoego d'Amó chi m'ha bruxaou
Si è ro chiero sprendó chi n'esce fuoe,

Chi luxan chiù dro cú dre chiarabelle
E chiù che i uoeggi dro vostro munin
Anzi chiu cha ro sò ra luna, e stelle.

Ni teman nuoette, nuvere, o negin
Sì che ra luxe son dre luxe belle
Che Dé sa fa dro sò lume chiù fin.