Rime diverse in lengua zeneise/A ro Segnó Zane Andria d'Oria

Da Wikivivàgna
Sata a-a navegassion Sata a-a serchia
Rime diverse in lengua zeneise de Poro Foggetta
A ro Segnó Zane Andria d'Oria
acento grave = vocale curta - acento aguçço = vocale longa; clicca o nummero da paggina pe 'n rafronto co-a transcriçion diplomattica
[p. 13r modifica]
A ro Segnó Zane Andria d'Oria.


Ri doi gren nomi Segnó Zane Andria
Con ri qué da caschun v'odí chiamá
Son doi speroin d'aiave a caminá
A così belle impreize tutta via.

Che caminando pe ra mesma via
Da vostro Barba, e Poere a voi mostrá
Monto presto de vei poemo sperá
A Zena un noevo Zane, e un noevo Andria.

[p. 13v modifica]


Poemo sperá che leverei de testa
Presto ra diadema d'Ottoman
Per ornane tra noi chi n'è chiu degno.

E che Nettun se ve trarà de testa
E ve darà ro sò tridente in man
Per dave a governá ro sò gran regno.